கனடாவின் விண்ட்சர் நகரையும் அமெரிக்காவின் டெட்ராய்ட் நகரையும் இணைக்கும் புதிதாக திறக்கப்பட்ட Gordie Howe International Bridge வழியாக பயணித்த சில வாகன ஓட்டிகள், ஒரே பயணத்திற்காக இரண்டு முறை கட்டணம் வசூலிக்கப்பட்டதாக புகார் தெரிவித்துள்ளனர்.
CBC Windsor வெளியிட்ட தகவலின்படி, விண்ட்சரைச் சேர்ந்த Greg Layson, பாலம் திறக்கப்பட்ட முதல் வாரத்தில் நான்கு முறை பாலத்தை பயன்படுத்தியுள்ளார்.
ஜூலை 29ஆம் திகதி Windsor-இலிருந்து Detroit சென்ற அவர் பின்னர் மீண்டும் Windsor திரும்பியுள்ளார். தொடர்ந்து ஆகஸ்ட் 2ஆம் திகதியும் மற்றொரு சுற்றுப் பயணத்தை மேற்கொண்டுள்ளார்.
பாலத்தை பயன்படுத்திய சிலருக்கு இரட்டை கட்டணம் விதிக்கப்பட்டிருக்கலாம் என்ற தகவலை அறிந்த பின்னர் தனது Visa கிரெடிட் கார்டு கணக்கை சரிபார்த்த Layson, ஜூலை 29ஆம் திகதி மேற்கொண்ட ஒரு பயணத்திற்கான கட்டணம் இரண்டு முறை பதிவாகியிருந்ததாக தெரிவித்துள்ளார்.
இதையடுத்து அவர் பாலத்தின் வாடிக்கையாளர் சேவை பிரிவை தொடர்புகொண்டு, பயணம் செய்த திகதி, நேரம், வாகன விவரங்கள், licence plate இலக்கம் மற்றும் பயன்படுத்திய toll lane உள்ளிட்ட தகவல்களை வழங்கியுள்ளார்.
வாடிக்கையாளர் சேவை அதிகாரிகள் அவரது கிரெடிட் கார்டு கணக்கு விபரத்தின் screenshot-ஐ அனுப்புமாறும் கேட்டுள்ளனர்.
எனினும், அதனை அனுப்புவதற்கு முன்னதாகவே ஜூலை 29ஆம் திகதிக்கான இரண்டாவது கட்டணம் அவரது கணக்கிலிருந்து மறைந்துவிட்டதாக Layson தெரிவித்துள்ளார். பின்னர் தனது ஆகஸ்ட் 2ஆம் திகதி பயணத்தையும் பரிசோதித்தபோது, அதனுடனும் தொடர்புடைய மற்றொரு சந்தேகத்திற்கிடமான கட்டணம் இருப்பதாக அவர் கூறியுள்ளார்.
கட்டணத்தை சரிபார்க்குமாறு அறிவுறுத்தல்
Gordie Howe International Bridge-இன் Breakaway கட்டண முறைமை தொடர்பான அதிகாரப்பூர்வ விதிகளின்படி, தவறான toll charge அல்லது வேறு பரிவர்த்தனை பதிவாகியுள்ளதாக வாடிக்கையாளர் கருதினால், சம்பந்தப்பட்ட statement அல்லது invoice திகதியிலிருந்து 30 நாட்களுக்குள் Breakaway Customer Care-ஐ தொடர்புகொள்ள வேண்டும்.
முறையிடும்போது transaction date, கட்டணத் தொகை, வாகனப் பதிவு விவரம், பயண நேரம் மற்றும் statement screenshot போன்ற ஆதாரங்களை வழங்கலாம்.
பாலம் தொடர்பான கட்டணப் பிரச்சினைகள் குறித்து வாடிக்கையாளர்கள்:
Breakaway Customer Care
தொலைபேசி: 1-855-200-3299
மின்னஞ்சல்: customerservice@breakawaypass.com
என்ற முகவரிகளில் தொடர்புகொள்ளலாம். இந்த தொடர்பு விபரங்களை Gordie Howe International Bridge அதிகாரப்பூர்வ இணையதளமும் உறுதிப்படுத்துகிறது.
தனக்கு வாடிக்கையாளர் சேவையை விரைவாக தொடர்புகொள்ள முடிந்ததாக கூறிய Layson, பாலத்தை பயன்படுத்தும் மற்ற வாகன ஓட்டிகளும் தங்களது credit card மற்றும் வங்கி கணக்கு விபரங்களை சரிபார்க்க வேண்டும் என அறிவுறுத்தியுள்ளார்.
“கட்டணம் சரியாகத்தான் இருக்கும் என்று நினைத்துவிடாமல், பாலத்தை பயன்படுத்திய பின்னர் உங்கள் credit card statement-ஐ சரிபாருங்கள்” என்பதே அவர் வாகன ஓட்டிகளுக்கு வழங்கியுள்ள முக்கிய அறிவுறுத்தலாகும்.
கனடா–அமெரிக்கா இடையேயான முக்கிய புதிய போக்குவரத்து இணைப்பான Gordie Howe International Bridge, ஜூலை 27, 2026 அன்று பொதுப் போக்குவரத்துக்காக திறக்கப்பட்டது. இது Ontario-வின் Windsor நகரையும் Michigan மாநிலத்தின் Detroit நகரையும் இணைக்கிறது.
சாதாரண பயணிகள் வாகனங்களுக்கு ஒரு வழிப் பயணக் கட்டணம் $8 கனடிய டொலர் ஆகும். Breakaway கணக்கைப் பயன்படுத்துவோருக்கு அது $6 கனடிய டொலர் ஆகக் குறைக்கப்பட்டுள்ளது.
Comments are closed, but trackbacks and pingbacks are open.