கனடாவின் ஒன்ராறியோ மாகாணம் விண்ட்சர் நகரில் உள்ள அம்பாசிடர் பாலம் எல்லைப் பகுதியில், கடந்த மாதம் 127 கிலோகிராம் சந்தேகத்திற்கிடமான கொகைன் போதைப்பொருள் பறிமுதல் செய்யப்பட்டுள்ளது.
இரண்டு பேர் மீது குற்றச்சாட்டுகள் பதிவு செய்யப்பட்டுள்ளதாக கனடா எல்லைப் பாதுகாப்பு முகமை தெரிவித்துள்ளது.
கடந்த செப்டம்பர் 11 அன்று அமெரிக்காவில் இருந்து வந்த வணிக லாரி ஒன்று கூடுதல் சோதனைக்காக அனுப்பி வைக்கப்பட்டபோது, அதில் இருந்து இந்த போதைப்பொருள் கைப்பற்றப்பட்டதாக குறிப்பிடப்படுகிறது.
மத்திய முகமை அதிகாரிகள், மோப்ப நாயின் உதவியுடன் லாரியின் டிரெய்லருக்குள் மறைத்து வைக்கப்பட்டிருந்த கொகைனைக் கண்டறிந்தனர்.
மிசிசாகா பகுதியைச் சேர்ந்த 1 மற்றும் 41 வயதுடைய இருவரை கனடிய எல்லைப் பாதுகாப்பு முகவர் நிறுவன அதிகாரிகள் கைது செய்து, பொலிஸாரிடம் ஒப்படைத்தனர்.
கைது செய்யப்பட்ட இருவர் மீதும், போதைப்பொருள் இறக்குமதி மற்றும் கடத்தல் நோக்கத்திற்காக அதனை வைத்திருத்தல் ஆகிய குற்றச்சாட்டுகளை பொலிஸார் பதிவு செய்துள்ளதாக அதிகாரிகள் தெரிவித்தனர்.
தங்களது தெற்கு ஒன்ராறியோ பிராந்தியத்தில் இந்த ஆண்டு இதுவரை 1.67 மெட்ரிக் டன் கொகைன் பறிமுதல் செய்யப்பட்டுள்ளதாக தெரிவித்துள்ளது.
Comments are closed, but trackbacks and pingbacks are open.