கனடாவின் டொராண்டோ நகரில் நடைபெறவுள்ள 7ஆவது டொராண்டோ தமிழ் சர்வதேச திரைப்பட விழா (Toronto Tamil International Film Festival – TTIFF) எதிர்வரும் செப்டம்பர் 25ஆம் திகதி முதல் 27ஆம் திகதி வரை நடைபெறவுள்ளது.
தமிழ் சினிமாவையும் உலகளாவிய சுயாதீன திரைப்படப் படைப்புகளையும் சர்வதேச பார்வையாளர்களிடம் கொண்டு சேர்க்கும் நோக்கில் நடத்தப்படும் இந்த விழா, உலகம் முழுவதும் உள்ள சுயாதீன மற்றும் வளர்ந்து வரும் திரைப்பட இயக்குநர்கள், தயாரிப்பாளர்கள் மற்றும் திரைப்படக் கலைஞர்களுக்கு தங்களது படைப்புகளை சர்வதேச அரங்கில் அறிமுகப்படுத்துவதற்கான வாய்ப்பை வழங்குகிறது.
இந்நிலையில், 2026ஆம் ஆண்டுக்கான திரைப்படங்களை விழாவிற்கு சமர்ப்பிப்பதற்கான இறுதித் திகதி ஆகஸ்ட் 11ஆம் திகதி என விழா ஏற்பாட்டாளர்கள் அறிவித்துள்ளனர்.
இந்த திரைப்பட விழாவில் குறும்படங்கள், முழுநீள திரைப்படங்கள், ஆவணப்படங்கள், சமூகப் பிரச்சினைகளை மையமாகக் கொண்ட திரைப்படங்கள், இசை சார்ந்த படைப்புகள் உள்ளிட்ட பல்வேறு வகையான திரைப்படங்களை சமர்ப்பிக்க முடியும்.
புதிய இயக்குநர்கள் மற்றும் சுயாதீன திரைப்படக் கலைஞர்களின் திறமைகளை அடையாளம் கண்டு, அவர்களின் படைப்புகளுக்கு சர்வதேச அளவில் அங்கீகாரத்தையும் புதிய பார்வையாளர்களையும் பெற்றுத் தருவது இந்த திரைப்பட விழாவின் முக்கிய நோக்கங்களில் ஒன்றாகும்.
திரைப்படங்கள் மூலம் கலாசாரங்களை இணைக்கும் மேடை
திரைப்படங்கள் ஊடாக தமிழ் மற்றும் பிற நாடுகளின் கலை, கலாசாரம், சமூக வாழ்வு மற்றும் பாரம்பரியங்களைப் பரிமாறிக் கொள்ளும் ஒரு முக்கிய கலாசாரத் தளமாகவும் டொராண்டோ தமிழ் சர்வதேச திரைப்பட விழா விளங்குகிறது.
கனடா, அமெரிக்கா, ஐரோப்பா மற்றும் ஆசியா உள்ளிட்ட உலகின் பல்வேறு பகுதிகளைச் சேர்ந்த திரைப்படக் கலைஞர்கள் இந்த விழாவில் பங்கேற்று வருகின்றனர்.
வெவ்வேறு சமூகங்களைச் சேர்ந்த மக்களிடையே திரைப்படங்கள் மூலம் புரிந்துணர்வு, நட்பு மற்றும் கலாசாரப் பரிமாற்றத்தை ஏற்படுத்துவதிலும் இந்த விழா கவனம் செலுத்தி வருகிறது.
குறிப்பாக, திரைப்படத் துறையில் தங்களது பயணத்தை ஆரம்பித்துள்ள புதிய இயக்குநர்கள் மற்றும் சுயாதீன திரைப்படக் கலைஞர்களுக்கு சர்வதேச பார்வையாளர்களிடம் தங்களது படைப்புகளை கொண்டு செல்வதுடன், திரைப்படத் துறையைச் சேர்ந்தவர்களுடன் புதிய தொடர்புகளை உருவாக்கிக் கொள்வதற்கான வாய்ப்பாகவும் இந்த விழா அமைகிறது.
சிறந்த கலைஞர்களுக்கு விருதுகள்
திரைப்பட இயக்கம், நடிப்பு, ஒளிப்பதிவு, இசை, படத்தொகுப்பு உள்ளிட்ட பல்வேறு கலை மற்றும் தொழில்நுட்பப் பிரிவுகளில் சிறந்து விளங்கும் கலைஞர்களை கௌரவிக்கும் வகையில் விழாவில் பல்வேறு விருதுகளும் வழங்கப்படுகின்றன.
இதன் மூலம் வளர்ந்து வரும் திரைப்படக் கலைஞர்கள் தங்களது திறமைகளை சர்வதேச அளவில் வெளிப்படுத்தவும், தங்களது அடுத்தகட்ட திரைப்படப் பயணத்திற்கான அங்கீகாரத்தை பெற்றுக் கொள்ளவும் வாய்ப்பு ஏற்படுகிறது.
மேலும், உலகின் பல்வேறு நாடுகளில் வாழும் தமிழ் மக்களையும் தமிழ் சினிமாவையும் இணைக்கும் கலாசாரத் தளமாகவும் இந்த திரைப்பட விழா தொடர்ந்து செயற்பட்டு வருகிறது.
டொராண்டோ மற்றும் ஒன்ராறியோ பகுதிகளில் வசிக்கும் திரைப்பட ஆர்வலர்களை மட்டுமன்றி, கனடா முழுவதும் வாழும் பெருமளவான தமிழ் சமூகத்தினரையும் சென்றடையும் முக்கியமான கலாசார நிகழ்வாக இந்த விழா வளர்ந்து வருகிறது.
இந்திய துணைக்கண்டத்திற்கு வெளியே நடைபெறும் குறிப்பிடத்தக்க தமிழ் திரைப்பட விழாக்களில் ஒன்றாகவும் டொராண்டோ தமிழ் சர்வதேச திரைப்பட விழா தன்னை நிலைநிறுத்தி வருகிறது.
திரைப்படங்களை சமர்ப்பிக்க ஆகஸ்ட் 11 இறுதி நாள்
2026ஆம் ஆண்டுக்கான டொராண்டோ தமிழ் சர்வதேச திரைப்பட விழாவில் பங்கேற்க விரும்பும் உலகம் முழுவதும் உள்ள திரைப்பட இயக்குநர்கள், தயாரிப்பாளர்கள் மற்றும் திரைப்படக் கலைஞர்கள் தங்களது படைப்புகளை ஆகஸ்ட் 11ஆம் திகதிக்குள் சமர்ப்பிக்குமாறு அழைப்பு விடுக்கப்பட்டுள்ளது.
செப்டம்பர் 25 முதல் 27ஆம் திகதி வரை டொராண்டோவில் நடைபெறவுள்ள 7ஆவது டொராண்டோ தமிழ் சர்வதேச திரைப்பட விழா, புதிய திரைப்படத் திறமைகளை உலக அரங்கிற்கு கொண்டு வருவதுடன், தமிழ் சினிமாவுக்கும் சர்வதேச சுயாதீன திரைப்பட உலகிற்கும் இடையிலான தொடர்புகளை மேலும் வலுப்படுத்தும் நிகழ்வாக அமையும் என எதிர்பார்க்கப்படுகிறது.
மேலதிக விபரங்களுக்கு: www.ttff.ca
Comments are closed, but trackbacks and pingbacks are open.