கனடாவின் கிரே கவுண்டி பகுதியில் விற்கப்பட்ட 40 மில்லியன் மதிப்பிலான ‘லட்டோ மேக்ஸ்’ பரிசுச் சீட்டின் செல்லுபடியாகும் காலம் முடிவடையவிருக்கிறது.
ஒன்ராறியோ லாட்டரி மற்றும் கேமிங் நிறுவனத்தின் அறிவிப்பின்படி, கடந்த அக்டோபர் 28, 2025 அன்று நடைபெற்ற லட்டோ மேக்ஸ் குலுக்கலில் வெற்றி பெற்ற இந்தச் சீட்டுக்கு உரியவர்கள் புதன்கிழமை இறுதிக்குள் பரிசை கோரவில்லை என்றால், அந்தப் பரிசுத் தொகை காலாவதியாகிவிடும்.
இந்த வெற்றியாளர் வட்டத்தில் ஓவென் சவுண்ட், மீஃபோர்ட், தி ப்ளூ மவுண்டன்ஸ், ஃபுளெஷர்டன், மார்க்ஸ்டேல், டர்ஹாம் மற்றும் ஹனோவர் ஆகிய பகுதிகள் அடங்கும். இந்தக் குலுக்கலுக்கான வெற்றி எண்கள்: 06, 14, 17, 19, 26, 43, 45, மற்றும் போனஸ் எண் 27 ஆகும்.
சீட்டு விற்கப்பட்ட விதம் மற்றும் அப்பகுதிக்கு வந்து செல்லும் மக்களைக் கருத்தில் கொண்டு, வெற்றியாளருக்கு தனக்கு பரிசு விழுந்ததே தெரியாமல் இருக்கலாம் என தெரிவிக்கப்படுகின்றது.
இதுகுறித்து கேமிங் நிறுவனம் வெளியிட்ட செய்திக்குறிப்பில், “கிரே கவுண்டி பகுதி சுற்றுலாப் பயணிகள் மற்றும் வெளியூர்வாசிகளிடையே மிகவும் பிரபலமானது என்பதால், இந்த வெற்றிச் சீட்டு உள்ளூரைச் சேர்ந்தவருக்கு சொந்தமானதாக இல்லாமல் போகலாம்.
இந்தப் பகுதிக்கு வந்து சென்ற யாரோ ஒருவர் சீட்டை வாங்கி எங்காவது பத்திரமாக வைத்துவிட்டு, தங்களுக்கு 40 மில்லியன் டொலர் ஜாக்பாட் பரிசு கிடைத்துள்ளது என்பதை இன்னும் அறியாமல் இருந்திருக்கலாம்” என்று குறிப்பிட்டுள்ளது.
Comments are closed, but trackbacks and pingbacks are open.