கனடா பிரதமர் மார்க் கார்னிக்கும் கியூபெக் மாகாண பிரீமியர் பால் செயிண்ட்-பியர் பிளமொண்டோனுக்கும் இடையிலான அரசியல் மோதல் தீவிரமடைந்துள்ளது.
அமெரிக்காவுடனான வர்த்தக உறவுகள் தொடர்பாக இரு தலைவர்களுக்கும் இடையே நிலவிவரும் கருத்து வேறுபாடு, செவ்வாய்க்கிழமை (நவம்பர் 10) வெளிப்படையான மோதலாக மாறியுள்ளது.
அமெரிக்க இடைக்காலத் தேர்தலில் வெற்றிபெற்ற மற்றும் மீண்டும் தேர்ந்தெடுக்கப்பட்ட 59 அரசியல் பிரதிநிதிகளுக்கு கியூபெக் பிரீமியர் பிளமொண்டோன் கடிதங்களை அனுப்பியுள்ளார்.
அந்தக் கடிதங்களில், கியூபெக்குடனான வர்த்தக உறவுகளை வலுப்படுத்தவும், புதிய திட்டங்களில் நேரடியாக இணைந்து செயல்படவும் அமெரிக்க பிரதிநிதிகளுக்கு அழைப்பு விடுத்துள்ளார்.
இதுகுறித்து கருத்துத் தெரிவித்த பிரதமர் மார்க் கார்னி, அமெரிக்காவுடனான சர்வதேச வர்த்தகப் பேச்சுவார்த்தைகள் மத்திய அரசின் பொறுப்பு என்றும், பேச்சுவார்த்தைகளில் ஒரே தரப்பினர் பிரதிநிதித்துவப்படுத்துவது சிறந்தது என்றும் தெரிவித்துள்ளார்.
இதற்குப் பதிலடி கொடுத்த கியூபெக் பிரீமியர் பிளமொண்டோன், “திரு. கார்னி எனது முதலாளி அல்ல. கியூபெக் தனது நலன்களைப் பாதுகாக்க சர்வதேச அளவில் செயல்படுவதை அவரால் தடுக்க முடியாது” என்று தெரிவித்துள்ளார்.
மேலும், கியூபெக் தனது பொருளாதார மற்றும் அரசியல் நலன்களை முன்னிறுத்தி, எதிர்வரும் மாதங்களில் உலக அரங்கில் தனது செல்வாக்கை மேலும் வலுப்படுத்தும் என்றும் அவர் உறுதிபடக் கூறியுள்ளார்.
அமெரிக்காவுடனான வர்த்தகப் பேச்சுவார்த்தைகள் மற்றும் மாகாணங்களின் அதிகாரங்கள் தொடர்பான இந்தக் கருத்து வேறுபாடு, கனடா மத்திய அரசுக்கும் கியூபெக் அரசுக்கும் இடையிலான அரசியல் பதற்றத்தை அதிகரித்துள்ளது.
Comments are closed, but trackbacks and pingbacks are open.