ஒன்ராறியோ மாகாணம் முழுவதும் மற்றும் சாத்தம் நகரில் நடத்தப்பட்ட சோதனைகளில், 1,30,000 கனடிய டாலர்களுக்கும் அதிகமான மதிப்புடைய சட்டவிரோத போதைப் பொருட்கள் மற்றும் ஆயுதங்களை பொலிஸார் பறிமுதல் செய்துள்ளனர்.
சாத்தம்-கென்ட் பொலிஸ் சேவையினரும் கோலிங்வுட் ஒன்றாரியோ பொலிஸாரின் சமூக வீதி குற்றப் பிரிவினரும் இணைந்து இந்த அதிரடி நடவடிக்கையை மேற்கொண்டனர்.
ஒன்ராறியோ மாகாணம் முழுவதும் போதைப் பொருள் கடத்தலில் சிலர் ஈடுபட்டுள்ளதாகக் கிடைத்த தகவலைத் தொடர்ந்து, கடந்த செப்டம்பர் மாதம் பொலிஸார் விசாரணையைத் தொடங்கினர்.
இந்த விசாரணையின் போது, சாத்தம் நகரைச் சேர்ந்த 53 வயது நபர் ஒருவர், ஒரு பெரிய கடத்தல் நெட்வொர்க் மூலம் போதைப் பொருட்களைப் பெற்று விநியோகித்து வந்தது கண்டறியப்பட்டது.
இதனைத் தொடர்ந்து, நவம்பர் 1-ஆம் திகதி ஒன்ராறியோ முழுவதும் பல்வேறு இடங்களில் சோதனை வாரண்டுகள் அமல்படுத்தப்பட்டன. அதில் சாத்தமில் உள்ள ‘ஈவினிங் டிரைவ்’ பகுதியில் அமைந்திருந்த ஒரு வீடும் சோதனைக்கு உட்படுத்தப்பட்டது.
சுமார் 960 கிராம் கொகேன், சுமார் 645 கிராம் எக்ஸ்டசி, தடைசெய்யப்பட்ட ஒரு டேசர், போலி .177 கலிபர் கைப்பாக்கத்து, டிஜிட்டல் எடைக் கருவிகள் மற்றும் போதைப் பொருள் பொதி செய்யும் பொருட்கள் , பல தோட்டாக்கள், குற்றச் செயல்கள் மூலம் ஈட்டப்பட்டதாகக் கருதப்படும் சுமார் 23,000 கனடிய டொலர் ரொக்கம் என்பன மீட்கப்பட்டுள்ளது.
இந்த சம்பவத்தையடுத்து, சாத்தமைச் சேர்ந்த 53 வயது நபர் மீது, ஓட்டுநர் உரிமம் இடைநிறுத்தப்பட்ட நிலையில் வாகனம் ஓட்டியமை, நீதிமன்ற உத்தரவை மீறி தோட்டாக்களை வைத்திருந்தமை உள்ளிட்ட சில குற்றச்சாட்டுகள் சுமத்தப்பட்டுள்ளன.
மேலும், சந்தேகநபரால் பயன்படுத்தப்பட்ட ஒரு வாகனமும் கூடுதல் பரிசோதனைக்காக பொலிஸாரால் பறிமுதல் செய்யப்பட்டுள்ளது. குற்றம் சாட்டப்பட்ட நபர் பிணை விசாரணைக்கு முன்னதாகக் காவலில் வைக்கப்பட்டுள்ளார்.
Comments are closed, but trackbacks and pingbacks are open.