ரொறன்ரோ பொலிஸார் நாய்க் குட்டியொன்றை தேடி வருவதாகத் தெரிவிக்கப்படுகின்றது.
பன்னிரெண்டு வாரங்கள் வயதான நாய் குட்டியொன்று களவாடப்பட்டுள்ளது.
கடந்த 9ம் திகதி அதிகாலை வேளையில் இந்த நாய்க்குட்டி களவாடப்பட்டுள்ளது.
ஸ்பாடினா அவன்யூ மற்றும் கிங் வீதிக்கு அருகாமையில் வாகனத் தரிப்பிடமொன்றிலிருந்து நாய் களவாடப்பட்டுள்ளது.
வாகன தரிப்பிடத்தில் நிறுத்தி வைக்கப்பட்டிருந்த வாகனத்திலிருந்த நாய் குட்டி களாவடப்பட்டுள்ளதாக அதன் உரிமையாளர்கள் தெரிவிக்கின்றனர்.
வாகனத்திற்கு திரும்பிய அதன் உரிமையாளர்கள் நாய் குட்டி காணாமல் போயிருப்பதனை கண்டறிந்துள்ளனர்.
புல்டொக் இனத்தைச் சேர்ந்த நாய்க்குட்டியே இவ்வாறு காணாமல் போயுள்ளது.
வெள்ளை மற்றும் இளம் பிறவுண் நிறத்தைக் கொண்ட நாய்க் குட்டி காணாமல் போயுள்ளதாக தெரிவிக்கப்படுகின்றது.
சம்பவம் தொடர்பில் பொலிஸார் விசாரணைகளை நடாத்தி வருகின்றனர். கனடாவில் இவ்வாறு நாய் கடத்தல் சம்பவங்கள் அதிகளவில் இடம்பெற்று வருகின்றமை குறிப்பிடத்தக்கது.
