ரொரன்ரோ Willowdale பகுதியில் வாகனத்தினால் மோதுண்டு பெண் ஒருவர் உயிரிழந்த சம்பவம் வெள்ளிக்கிழமை இடம்பெற்றுள்ளது.
வெள்ளிக்கிழமை முற்பகல் பத்து மணியளவில், டோறிஸ் அவனியூவுக்கு மேற்கே, ஃபின்ச் அவனியூ ஈஸ்டில் தெற்கு பக்கமாக குறித்த அந்தப் பெண் நடந்து சென்று கொண்டிருந்ததாகவும், அநத வேளையில் கிழக்கு நோக்கப் பயணித்த வானம் ஒன்று அங்குள்ள அறிவிப்புப் பலகைக் கம்பத்துடன் மோதி, குறித்த இந்தப் பெண் மீது மோதி பின்னர் அங்கிருந்த மின்விளக்கு கம்பம் மீது மோதியதாகவும் ரொரன்ரோ காவல்துறையினர் தகவல் வெளியிட்டுள்ளனர்.
இந்த விபத்தின் போது குறித்த அந்தப் பெண் சம்பவ இடத்திலேயே உயிரிழந்து விட்டதாகவும், வாகனத்தைச் செலுத்திவந்த 35 வயது ஆண் சம்பவ இடத்திலேயே தரித்திருந்ததாகவும் விசாரணை அதிகாரிகள் தெரிவித்துள்னர்.
விபத்தினை அடுத்து அந்தப் பகுதி ஊடான போக்குவரத்துகளைத் தடை செய்து விசாரணைகளை முன்னெடுத்த காவல்துறையினர், இந்தச் சம்பவத்தினை நேரில் கண்டோர் அல்லது அது தொடர்பில் தகவல் அறிந்தோர் தம்மைத் தொடர்பு கொள்ளுமாறு வேண்டுகோள் விடுத்துள்ளனர்.
