வெள்ளிக்கிழமை இரவு உந்துருளி ஒன்று சிற்றூர்தி ஒன்றுடன் மோதி விபத்துக்குள்ளானதில் படுகாயமடைந்த 29 வயதான உந்துருளி ஓட்டுனர் மருத்துவனைக்கு எடுத்துச் செல்லப்பட்ட நிலையில் உயிரிழந்துள்ளார்.
வெள்ளிக்கிழமை இரவு 10:35 அளவில், Islington Avenue மற்றும் Beaumonde Heights Drive பகுதியில் தெற்கு நோக்கி பயணித்துக் கொண்டிருந்த வேளையில் குறித்த இந்த உந்துருளி சிற்றூர்தியுடன் மோதுண்டு்ளளதாக காவல்துறையினர் தெரிவித்துள்ளனர்.
இதன்போது பலத்த காயங்களுக்கு உள்ளான உந்துருளி ஓட்டுநர் மருத்துவமனையில் அனுமதிக்கப்பட்ட நிலையில், பின்னர் உயிரிழந்துவிட்டதாக காவல்துறையினர் தெரிவித்துள்ளனர்.
விபத்துக்கான தெளிவான காரணம் கண்டறியப்படாத நிலையில், சம்பவத்தினை மீள் ஒத்திகைக்கு உள்ளாக்கி விசாரணைகள் முன்னெடுக்கப்பட்டுள்ளன.
இந்த விபத்தினை நேரில் கண்டோர் அல்லது அது குறித்து தகவல் அறிந்தோர் தம்மைத் தொடர்புகொள்ளுமாறு காவல்துறையினர் பொதுமக்களிடம் வேண்டுகோள் விடுத்துள்ளனர்.
