கனடாவில் மனைவியை கொலை செய்த குற்றசாட்டில் தமிழர் ஒருவருக்கு, நான்கு ஆண்டுகளின் பின்னர் ஆயுள் தண்டனை விதிக்கப்பட்டுள்ளது.
கடந்த 2019 ஆம் ஆண்டு செப்டம்பர் மாதம் கனடாவில் 27 வயதான தர்ஷிகா ஜெகநாதன் ஸ்காபரோவில் பேருந்தில் இருந்து இறங்கி வீட்டிற்கு நடந்து சென்று கொண்டிருந்தபோது தாக்கப்பட்டு கொலைசெய்யப்பட்டார்.
சம்பவம் குறித்து உயிரிழந்த பெண்ணின் கணவரான சசிகரன் தனபாலசிங்கம் மீது முதல் நிலை கொலை குற்றச்சாட்டு பதிவு செய்யப்பட்ட நிலையில், சம்பவம் இடம்பெற்று நான்கு ஆண்டுகளுக்குப் பிறகு, சசிகரன் தனபாலசிங்கத்திற்கு ஆயுள் தண்டனை விதிக்கப்பட்டுள்ளது.
செவ்வாய்க்கிழமை (Oct 17, 2023) காலை ஒரு சுருக்கமான தண்டனை விசாரணையின் போது, கருஞ்சா பரமேஸ்வரன், பாதிக்கப்பட்டவரின் பாதிப்பு அறிக்கையை நீதிமன்றத்தில் வாசித்தார்.
தனது நண்பரை “இதயம் கொண்ட ஆத்மா” என்று அழைத்தார். “தர்சி அவள் இறந்த விதத்திற்கு தகுதியானவள் அல்ல, ஆனால் இன்று நீதி வழங்கப்படுவதில் நான் மகிழ்ச்சியடைகிறேன்,” என்று அவர் கூறினார்.
அதேசமயம் உயிரிழந்த தர்சிகாவின் குடும்பத்தினர் இலங்கையில் இருந்து ஜூம் (ZOOM) இல் விசாரணையைப் பார்த்துக் கொண்டிருந்தனர்.
25 ஆண்டுகளுக்கு பரோலுக்கு தகுதி பெற முடியாது
செப். 11, 2019 அன்று தர்ஷிகா ஜெகநாதனுடன் தொலைபேசியில் கடைசியாகப் பேசியதாக பரமேஸ்வரன், கூறினார். “அவளுடைய அலறல் குரலால் நான் பயந்தேன். அது என்னை என்றென்றும் வேட்டையாடும் மற்றும் என் தலையில் மீண்டும் ஒலிக்கும், ”என்று பரமேஸ்வரன் கூறினார்.
ஜெகநாதன் இறந்த முதல் ஒரு மாதத்திற்கு தன்னால் தூங்கமுடியவில்லை என்று அந்த அலறல் அதிர்ச்சியை ஏற்படுத்தியதாகவும் அவளது துயரத்தைச் சமாளிக்க சிகிச்சையையும் நாட வேண்டியிருந்தது என்றும் பரமேஸ்வரன் நீதிமன்றில் கூறினார்.
அதேவேளை தண்டனை வழங்கப்படுவதற்கு முன்னர் குற்றவாளிக்கு நீதிமன்றத்தில் பேசுவதற்கு வாய்ப்பு வழங்கப்பட்டது. அதன்பின்னர் தனபாலசிங்கத்திற்கு ஆயுள் தண்டனை விதிக்கப்பட்டது.
அவர் 25 ஆண்டுகளுக்கு பரோலுக்கு தகுதி பெற முடியாது என்றும் நீதிபதி கூறினார்.
மேலும் தனபாலசிங்கத்திற்கும் வாழ்நாள் ஆயுத தடை விதிக்கப்பட்டதுடன், அவரது டிஎன்ஏவை தேசிய டிஎன்ஏ தரவு வங்கிக்கு வழங்க உத்தரவிடப்பட்டுள்ளது.
