கனடாவில் 92 வயது மூதாட்டியிடம் மோசமாக நடந்து கொண்ட நபர் ஒருவரை போலீசார் கைது செய்துள்ளனர்.
ஒன்றாரியோ போலீசார் குறித்த நபரை கைது செய்துள்ளதாக தெரிவிக்கப்படுகிறது.
டொரன்டோவின் காலேஜ் ஸ்ட்ரீட் மற்றும் கிளின்டன் ஸ்ட்ரீட் ஆகிய பகுதிகளுக்கு அருகாமையில் இந்த சம்பவம் இடம்பெற்றுள்ளது.
92 வயதான பெண் ஒருவரை லிட்டில் இத்தாலி என்று அழைக்கப்படும் பகுதியில் நபர் ஒருவர் பாலியல் ரீதியாக துன்புறுத்தி உள்ளார் என பொலிஸார் தெரிவிக்கின்றனர்.
வீட்டில் இருந்த பெண்ணை குறித்த நபர் பாலியல் ரீதியாக துன்புறுத்தியதாகவும் வீட்டுக்குள் பிரவேசித்து இவ்வாறு குற்ற செயலில் ஈடுபட்டதாகவும் குறிப்பிடப்படுகிறது.
சம்பவத்துடன் தொடர்புடைய குற்றச்சாட்டின் பேரில் கைதானவர் டொரன்டோவை சேர்ந்த 58 வயதான கல்வின் ஜான் என்பவர் என போலீசார தெரிவிக்கின்றனர்.
சட்டவிரோதமான முறையில் வீட்டுக்குள் புகுந்தமை பாலியல் வன்கொடுமையில் ஈடுபட்டமை உள்ளிட்ட பல்வேறு குற்றச்சாட்டுகள் குறித்த நபருக்கு எதிராக சுமத்தப்பட்டுள்ளது.
இந்த சம்பவம் தொடர்பில் போலீசா விசாரணைகளை முடுக்கி விட்டுள்ளனர்.
இந்த சம்பவம் தொடர்பில் ஏதேனும் தகவல்கள் தெரிந்தால் 416-808-1400 என்ற இலக்கத்துடன் தொடர்பு கொண்டு அறிவிக்க முடியும் என போலீசார தெரிவித்துள்ளனர்.
