இன்று அதிகாலை வேளையில் ஸ்காபரோ Golfdale Gardens குடியிருப்புப் பகுதியில் இடம்பெற்ற துப்பாக்கிச் சூட்டுச் சம்பவத்தில் படுகாயமடைந்த ஒருவர் மருத்துவமனையில் அனுமதிக்கப்பட்டுள்ளார்.
Scarborough Golf Club வீதி மற்றும் Lawrence Avenue East பகுதியில், Confederation Driveவில் அமைந்துள்ள வீடு ஒன்றில் நள்ளிரவுக்குச் சற்று பின்னராக இந்தச் சம்பவம் இடம்பெற்றுள்ளது.
இந்தத் துப்பாக்கிச் சூட்டுச் சம்பவத்தின் போது காயமடைந்தவரை, அவருடன் அந்த வேளையில் இருந்த பிறிதொருவர் மருத்துவமனைக்கு அழைத்துச் சென்றதாக காவல்துறையினர் தகவல் வெளியிட்டுள்ளனர்.
மருத்துவமனையில் அனுமதிக்கப்பட்ட நபர் உயிராபத்தான நிலையில் இல்லை என்று நம்பப்படுகிறது.
இதேவேளை சம்பவ இடத்தில் காவல்துறையினர் தீவிர விசாரணைகளை முன்னெடுத்து வருகின்றனர். சந்தேக நபர்கள் குறித்த விபரங்கள் எவையும் உடனடியாக வெளியிடப்படவில்லை.
