47 பயணங்களுக்குப் பிறகு TTC இலவசம் – செப்டம்பர் 1 முதல் புதிய கட்டண முறை

Reading Time: 2 minutes

ரொறன்ரோவில் TTC-யை அடிக்கடி பயன்படுத்தும் பயணிகளுக்கு செலவைக் குறைக்கும் முக்கியமான புதிய கட்டண முறை எதிர்வரும் செப்டம்பர் மாதம் அறிமுகமாகிறது.

2026 செப்டம்பர் 1ஆம் திகதி முதல் TTC-யில் “Monthly Fare Capping” முறை அமலுக்கு வருகிறது. இதன்படி, ஒரு காலண்டர் மாதத்தில் 47 கட்டணப் பயணங்களை முடித்த பின்னர், அந்த மாதத்தின் மீதமுள்ள நாட்களில் TTC-யில் மேற்கொள்ளப்படும் பயணங்களுக்கு மேலதிக கட்டணம் வசூலிக்கப்படாது.

Adult, Youth, Senior மற்றும் Fair Pass பயணிகள் இந்தத் திட்டத்தின் கீழ் பயன்பெற முடியும்.

Monthly Pass வாங்க வேண்டிய அவசியமில்லை

இந்த புதிய முறையின் முக்கிய அம்சம், மாதத்தின் ஆரம்பத்திலேயே TTC Monthly Pass வாங்குவதற்காக முழுத் தொகையையும் செலுத்த வேண்டிய அவசியம் இல்லாததாகும்.

PRESTO Card, PRESTO mobile wallet, Interac Debit Card அல்லது Credit Card உள்ளிட்ட தகுதியான கட்டண முறைகளில் பயணிகள் வழக்கம்போல் கட்டணம் செலுத்தலாம்.

ஒரு மாதத்தில் 47 கட்டணப் பயணங்கள் நிறைவடைந்ததும், அதன் பின்னர் அந்த மாதத்தில் மேற்கொள்ளப்படும் TTC பயணங்கள் தானாகவே இலவசமாகிவிடும். இதற்காக தனியாக பதிவு செய்யவோ, விண்ணப்பிக்கவோ தேவையில்லை.

ஒரே Card அல்லது Device-ஐ பயன்படுத்துவது அவசியம்

எனினும், 47 பயணங்களுக்கான கணக்கீட்டில் பயணிகள் கவனமாக இருக்க வேண்டும்.

மாதம் முழுவதும் ஒரே payment method மற்றும் ஒரே card அல்லது device-ஐ தொடர்ந்து பயன்படுத்த வேண்டும்.

உதாரணமாக, ஒரு நாளில் PRESTO Card-ஐ பயன்படுத்திவிட்டு மற்றொரு நாளில் Credit Card அல்லது Apple Pay மூலம் கட்டணம் செலுத்தினால், அந்தப் பயணங்கள் தனித்தனி கணக்குகளாக பதிவு செய்யப்படும்.

அதே Credit Card-ஐ நேரடியாக ஒருநாள் பயன்படுத்தி, மற்றொரு நாளில் அதே Credit Card இணைக்கப்பட்ட தொலைபேசி அல்லது smartwatch மூலம் செலுத்தினாலும் அவை தனித்தனியாக கணக்கிடப்படலாம்.

எனவே 47 பயணங்களுக்கான வரம்பை விரைவாக அடைய விரும்புவோர் மாதம் முழுவதும் ஒரே Card அல்லது Device-ஐ பயன்படுத்துமாறு TTC அறிவுறுத்தியுள்ளது.

இரண்டு மணி நேர Transfer எப்படி கணக்கிடப்படும்?

TTC-யின் தற்போதைய இரண்டு மணி நேர Transfer விதிமுறையும் தொடரும்.

ஒரு பயணத்தின் முதல் Tap மட்டுமே ஒரு கட்டணப் பயணமாக கணக்கிடப்படும். அதனைத் தொடர்ந்து இரண்டு மணி நேரத்திற்குள் Bus, Streetcar அல்லது Subway-க்கு மாற்றிப் பயணம் செய்யும்போது மேற்கொள்ளப்படும் கூடுதல் Taps புதிய கட்டணப் பயணங்களாக கணக்கிடப்படாது.

உதாரணமாக, Bus-இல் பயணத்தை ஆரம்பித்து இரண்டு மணி நேரத்திற்குள் Subway-க்கு மாறினால், அது 47 பயணங்களுக்கான கணக்கில் ஒரே ஒரு கட்டணப் பயணமாக கருதப்படும்.

47 பயணங்களுக்குப் பிறகும் Tap செய்ய வேண்டும்

47 கட்டணப் பயணங்களை முடித்து இலவச பயணத்திற்குத் தகுதி பெற்ற பின்னரும், Bus அல்லது Streetcar-இல் ஏறும் போதும் Subway Station-க்குள் நுழையும் போதும் தொடர்ந்து Tap செய்ய வேண்டும்.

இது Fare Gate-ஐ திறப்பதற்கும், Proof-of-Payment பதிவை உறுதிப்படுத்துவதற்கும் அவசியம் என TTC தெரிவித்துள்ளது.

தற்போதைய Monthly Pass-கள் நிறுத்தம்

புதிய Fare Capping முறை அறிமுகமாகும் நிலையில், கீழ்க்கண்ட TTC Pass-கள் 2026 ஆகஸ்ட் 31ஆம் திகதியுடன் நிறுத்தப்படுகின்றன:

• Adult Monthly Pass
• Youth Monthly Pass
• Senior Monthly Pass
• Fair Pass Monthly Pass
• Youth 12-Month Pass
• Senior 12-Month Pass

எனினும், Adult 12-Month Pass மற்றும் Post-Secondary Student Monthly Pass தொடர்ந்து கிடைக்கும். இந்த Pass-களை ஏற்கனவே பயன்படுத்துபவர்கள் அவற்றைத் தொடர்ந்து பயன்படுத்துவது சிறந்த பெறுமதியை வழங்கும் என்று TTC தெரிவித்துள்ளது.

Adult பயணிகளுக்கு மாதத்திற்கு அதிகபட்சம் சுமார் $155

தற்போது PRESTO மூலம் Adult TTC கட்டணம் ஒரு பயணத்திற்கு $3.30 ஆக உள்ளது.

இதன்படி 47 கட்டணப் பயணங்களுக்கு மொத்தம் $155.10 செலவாகும். அதன் பின்னர் அந்த காலண்டர் மாதத்தில் மேற்கொள்ளப்படும் கூடுதல் TTC பயணங்களுக்கு கட்டணம் இல்லை.

தற்போதைய Adult Monthly Pass விலை $156 என்பதால், புதிய முறையில் பயணிகள் Monthly Pass-ஐ முன்கூட்டியே வாங்காமல், பயன்படுத்திய அளவிற்கு மட்டும் பணம் செலுத்தி அதேபோன்ற மாதாந்திர உச்சவரம்பைப் பெற முடியும்.

Youth, Senior மற்றும் Fair Pass பயணிகளின் கட்டணங்கள் வேறுபடுவதால், அவர்களுக்கு மாதாந்திர உச்ச செலவும் அதற்கேற்ப குறைவாக இருக்கும்.

ஒவ்வொரு மாதமும் கணக்கு மீண்டும் ஆரம்பிக்கும்

47 பயணங்களுக்கான கணக்கு ஒவ்வொரு காலண்டர் மாதத்தின் முதல் நாளிலும் மீண்டும் பூஜ்ஜியத்திலிருந்து ஆரம்பிக்கும்.

மேலும் TTC மற்றும் GTA-வின் பிற போக்குவரத்து நிறுவனங்களின் Fare Caps தனித்தனியாக கணக்கிடப்படும். TTC-யில் ஆரம்பிக்கப்படும் தகுதியான பயணங்கள் மட்டுமே TTC-யின் 47 பயண வரம்பில் சேர்க்கப்படும்.

2027-ல் மேலும் குறையும் பயண வரம்பு

TTC வெளியிட்ட தகவலின்படி, 2027ஆம் ஆண்டில் இந்த Fare Cap 47 பயணங்களிலிருந்து 40 கட்டணப் பயணங்களாகக் குறைக்கப்பட உள்ளது.

இதன் மூலம் TTC-யை தொடர்ந்து பயன்படுத்தும் பயணிகளுக்கு எதிர்காலத்தில் மேலும் சேமிப்பு கிடைக்கும் என்று எதிர்பார்க்கப்படுகிறது.

ஆதாரம்: Toronto Transit Commission (TTC)