பெண் ஒருவர் வாகனம் ஒன்றினால் மோதப்பட்டு பலியான சம்பவம் வெள்ளிக்கிழமை இரவு வேளையில் ஸ்காபரோ பகுதியில் இடம்பெற்றுள்ளது.
வெள்ளிக்கிழமை இரவு 10:25 அளவில், Sheppard Avenue மற்றும் Pharmacy Avenue பகுதியில் இந்த விபத்து சம்பவித்துள்ளது.
வீதியைக் கடந்துகொண்டிருந்த 35 வயதுப் பெண் மீது, கிழக்கு நோக்கிப் பயணித்துக் கொண்டிருந்த வாகனம் ஒன்று மோதிவிட்டுத் தப்பிச் சென்றுள்ளது. மோதப்பட்ட பெண் கடுமையான காயங்கள் காரணமாக சம்பவ இடத்திலேயே உயிரிழந்து விட்டதாக தெரிவிக்கப்படுகிறது.
தப்பிச் சென்ற வாகனத்தின் அடையாளங்கள் எவையும் உடனடியாக வெளியிடப்படவில்லை என்ற போதிலும், அந்த வாகனத்தின் முன் பகுதியில் சேதம் ஏற்பட்டிருக்கக்கூடும் என்று அதிகாரிகள் தெரிவித்துள்ளனர்.
சம்பவம் தொடர்பில் விசாரணைகள் தொடரும் நிலையில், அந்தப் பகுதியில் வசிப்போர், தொழில் புரிவோர் அல்லது அந்தப் பகுதி ஊடாக வாகனத்தில் சென்றோர் இந்தச் சம்பவத்தினைக் கண்டிருந்தால் அல்லது ஒளிப்பதிவு ஆதாரங்களை வைத்திருந்தால், தம்மைத் தொடர்பு கொள்ளுமாறு காவல்துறையினர் வேண்டுகோள் விடுத்துள்ளனர்.
