ரெக்ஸ்டேல் பிளாசாவிற்கு முன்பாகவுள்ள வாகன தரிப்பிடத்தில் இடம்பெற்ற துப்பாக்கிச் சூட்டில் ஒருவர் படுகாயமடைந்துள்ளார்.
Islington Avenue and Rexdale Boulevard பகுதியில் நேற்று முன்தினம் (வெள்ளிக்கிழமை) மாலை இந்த சம்பவம் இடம்பெற்றுள்ளது.
குறித்த பிளாசாவின் முன்பாகவுள்ள வாகன தரிப்பிடத்தில் நிறுத்தியிருந்த காரில் இருந்தவர் மீது இனந்தெரியாத ஒருவர் பல முறை துப்பாக்கியால் சுட்டுள்ளார். சுட்டதன் பின்னர் துப்பாக்கிதாரி இஸ்லிங்டன் அவென்யூவில் இருந்து தெற்கு நோக்கி தப்பிச் சென்றுள்ளார்.
இதனிடையே சம்பவ இடத்திற்கு விரைந்த பொலிஸார் துப்பாக்கிச் சூட்டில் படுகாயமடைந்தவரை மருத்துவமனையில் அனுமதித்தனர்.
அத்துடன் துப்பாக்கிச் சூட்டு சம்பவம் தொடர்பான விசாரணையை மேற்கொண்டுள்ள பொலிஸார், தடயவியல் அதிகாரிகளின் உதவியுடன் குற்றவாளியைத் தேடும் நடவடிக்கையில் ஈடுபட்டுள்ளனர்.
இதேவேளை, துப்பாக்கிதாரி தொடர்பாக தகவல் தெரிந்தவர்கள் புலனாய்வாளர்களை தொடர்பு கொள்ளுமாறு கேட்டுக் கொள்ளப்பட்டுள்ளனர்.
