த்ரோன்ஹில் வங்கியில் கொள்ளை

Reading Time: < 1 minute

நேற்று பிற்பகல் த்ரோன்ஹில் பகுதியில் உள்ள வங்கிக்கிளை ஒன்றில் கொள்ளைச் சம்பவம் ஒன்று இடம்பெற்றுள்ளது.

John Streetற்கு தெற்கே, Yonge Street பகுதியில் அமைந்துள்ள HSBC வங்கியில் நேற்று பிற்பகல் 12:08 அளவில் இந்தக் கொள்ளைச் சம்பவம் இடம்பெற்றதனை யோர்க் பிராந்திய காவல்துறையினர் உறுதிப்படுத்தியுள்ளனர்.

குறித்த வங்கியினுள் நுளைந்த சந்தேக நபர் ஒருவர் கைத்துப்பாக்கி ஒன்றினைக் காட்டி சுட்டுவிடுவேன் என்று அங்குள்ளவர்களை மிரட்டி ஒரு தொகைப் பணத்தினைக் கொள்ளையிட்டுக்கொண்டு, அங்கிருந்து வாகனம் ஒன்றில் தப்பிச் சென்றுள்ளார்.

இந்தச் சம்பவத்தின் போது எவருக்கும் காயங்கள் ஏற்படவில்லை என்று தெரிவித்துள்ள காவல்துறையினர், மேலதிக விசாரணைகளை முன்னெடுத்து வருகின்றனர்.