கனடாவைச் சேர்ந்த நபர் ஒருவர் கிரேக்கத்தில் காணாமல் போய் உள்ளார்.
கனடாவின் மிஸ்சிசாகா பகுதியைச் சேர்ந்த ஒருவரே இவ்வாறு கடந்த ஒரு மாதங்களாக காணாமல் போய் உள்ளதாக தெரிவிக்கப்படுகிறது.
அவரது உறவினர்கள் இந்த சம்பவம் தொடர்பில் பெரும் கவலை கொண்டுள்ளனர்.
38 வயதான பிலிப்பி ஸியாஜா என்ற நபரே இவ்வாறு காணாமல் போய் உள்ளதாக தெரிவிக்கப்படுகிறது.
கடந்த ஜூலை மாதம் 12ஆம் பிலிப்பி இறுதியாக தொடர்பு கொண்டதாக அவரது உறவினர்கள் தெரிவிக்கின்றனர்.
பிலிப்பி, ஒலிம்பஸ் மலையை ஏறுவதாக கூறியிருந்ததாகவும், அதன் பின் அவரைப் பற்றிய எந்த தகவலும் கிடைக்கவில்லை எனவும் தெரிவிக்கப்படுகிறது.
பிலிப்பி கடந்த இரண்டு வாரங்களாக இணைய வழியில் தனது பணியை தொடரவில்லை என அவர் பணியாற்றும் நிறுவனத்தில் இருந்து அறிவிக்கப்பட்டிருந்தது.
இதனைத் தொடர்ந்து குடும்பத்தினர் பதற்றமடைந்துள்ளனர்.
எனினும் கடந்த ஒரு மாத காலமாக பிலிப்பி பற்றிய எந்த ஒரு தகவலும் தங்களுக்கு கிடைக்கவில்லை என உறவினர்கள் தெரிவிக்கின்றனர்.
