அழிந்துவரும் காட்டு தேனீக்களை காப்பாற்ற உதவுமாறு, யோர்க் பல்கலைக்கழகத்தின் உயிரியல் பேராசிரியரும் காட்டு தேனீ மரபியல் நிபுணருமான சாண்ட்ரா ரெஹான், கனேடியர்களுக்கு வலியுறுத்தியுள்ளார்.
கனடியர்கள் காட்டுப்பூக்களை நடவு செய்வதன் மூலம் உயிரினங்களை காப்பாற்ற தங்கள் பங்களிப்பை வழங்கலாம்’ என அவர் கூறினார்.
கடந்த ஆண்டு 120க்கும் மேற்பட்ட காட்டு தேனீ இனங்களிடையே மேற்கொண்ட ஆய்வில், 14 இனங்கள் அழிவடைந்துள்ளன என்று ரெஹான் தெரிவித்தார்.
கடந்த 30 ஆண்டுகளில், தாவர-மகரந்தச் சேர்க்கை தொடர்புகளில் 94 சதவீத இழப்பு ஏற்பட்டுள்ளது. அவை தொடர்புகள் காட்டு தேனீக்கள் மற்றும் அவை தொடர்ந்து சார்ந்திருக்கும் தாவரங்களால் ஆனவை.
ஆக்கிரமிப்பு இனங்கள் மற்றும் விவசாயத்தின் விரிவாக்கம் இந்த வலையமைப்புகளுக்கு தீங்கு விளைவிக்கும் என்றாலும், காலநிலை மாற்றம் மிகப்பெரிய காரணியாகும் என்று ஆராய்ச்சியாளர்கள் தெரிவிக்கின்றனர்.
வெப்பநிலையின் ஏற்ற இறக்கங்கள் காட்டுப்பூக்களுக்கான பூக்கும் முறையை பாதிக்கும். மேலும், தேனீக்கள் எப்போது மகரந்தச் சேர்க்கை செய்ய முடியும் என்பதற்கான கால அளவைக் கட்டுப்படுத்துகின்றன.
தேனீக்கள் தொடர்பான 100 ஆண்டுகளுக்கும் மேலான தரவுகளை பகுப்பாய்வு செய்த ஒரு புதிய அறிக்கையின்படி, காலநிலை மாற்றம் மற்றும் நகர்ப்புற வளர்ச்சியின் காரணமாக இயற்கை வாழ்விடங்களின் இழப்பு ஆகியவை பூச்சிகளின் மகரந்தச் சேர்க்கை ஆதாரங்களின் கூர்மையான வீழ்ச்சியில் பெரும் பங்கைக் கொண்டுள்ளன. வேதியியல் பூச்சிக்கொல்லிகள், ஒட்டுண்ணிகள் மற்றும் புவியியல் இடப்பெயர்வு ஆகியவை பிற காரணிகளில் அடங்கும்.
