ஸ்காபுரோவில் பிறிம்லி அன் 401 சந்திப்பிற்கு அருகில் (Brimley and Pitfield roads, south of Sheppard Avenue East) கடந்த மார்ச் 13ம் திகதி காலை 10 மணிக்கு பட்டப்பகலில் 2 தமிழ் பெண்கள் சுடப்பட்டு இருந்ததாக பொலிஸிற்கு அறிவிக்கப்பட்டிருந்தது. இதில் 33 வயதுடைய தீபா சீவரத்தினம் (Theepa Seevaratnam) ஸ்தலத்திலேயே துப்பாக்கி சூட்டு காயங்களால் கொல்லப்பட்டிருந்தார். மற்றைய பெண்மணி துப்பாக்கிச் சூட்டு காயங்களுடன் மருத்துவமனையில் அனுமதிக்கப்பட்டிருந்தார்.
இவ் துப்பாக்கிச் சூடு தொடர்பாக ஸ்ரோட்லி கேர் (Steadley Kerr, 28) எனும் சந்தேக நபர் 30-03-2020 அன்று ரொரன்ரோ பொலிஸாரால் கைது செய்யப்பட்டதாக அறியப்படுகிறது. எதிர்வரும் ஏப்ரல் 09 2020 அன்று ரொரன்ரோவில் உள்ள நீதிமன்றத்திற்கு கொண்டுவரப்படுவார் என்றும் விசாரணைகள் தொடர்ந்து நடைபெறுவதாகவும் செய்திகள் தெரிவிக்கின்றன.
