கனடாவின் கியூபெக்கில், கார் ஒன்றில் இளம்பெண் ஒருவரின் உயிரற்ற உடல் கண்டுபிடிக்கப்பட்ட நிலையில், அந்தக் காரிலிருந்த ஆண் ஒருவர் கைது செய்யப்பட்டார்.
சனிக்கிழமையன்று, கனடாவின் கியூபெக்கிலுள்ள Wickham என்னுமிடத்தில், Robyn-Krystle O’Reilly (34) என்னும் இளம்பெண்ணின் உடல் கண்டுபிடிக்கப்பட்ட நிலையில், சம்பவ இடத்திலிருந்த ஆண் ஒருவர் கைது செய்யப்பட்டார்.
இந்நிலையில், கைது செய்யப்பட்ட நபர், Robyn-Krystleஇன் கணவர் என்றும், அவரது பெயர் Kevin Romagosa (39) என்றும் பொலிசார் தெரிவித்துள்ளனர்.
அத்துடன், அவர் தற்கொலைக்கு முயன்றதற்கான அடையாளங்கள் அவரது உடலில் காணப்பட்டதால், அவர் மருத்துவப் பரிசோதனைக்காக மருத்துவமனைக்கு அழைத்து செல்லப்பட்டதாகவும் பொலிசார் தெரிவித்துள்ளனர்.
இதற்கிடையில், Robyn-Krystle, Kevin தம்பதியர் வழக்கமான இளம் தம்பதியராக நடந்துகொண்டதாக தெரிவித்துள்ள அதே பகுதியில் வாழ்பவரான Sandy Shields, Kevin தன் வீட்டு தோட்டத்தை ஒழுங்குபடுத்த உதவுவதுண்டு என்றும், Robyn-Krystle தான் சமைக்கும் உணவைத் தன்னுடன் பகிர்ந்துகொள்வதுண்டு என்றும் தெரிவித்துள்ளார்.
எதனால் Kevin தன் மனைவியைக் கொலை செய்தார் என்பது தெரியவில்லை. தம்பதியருக்கு இரண்டு பிள்ளைகள் இருக்கிறார்கள்.
பொலிசார் இந்த துயர சம்பவம் தொடர்பாக தீவிர விசாரணை மேற்கொண்டுவருகிறார்கள்.
