ஹமில்டன் ஸ்டோனி க்ரீக் (Stoney Creek) பகுதியில் உள்ள வணிக வளாகம் ஒன்றுக்கு அருகே இடம்பெற்ற துப்பாக்கிச் சூட்டுச் சம்பவத்தில் இளைஞன் ஒருவர் உட்பட 3 பேர் காயமடைந்தனர்.
உள்ளூர் நேரப்படி வெள்ளிக்கிழமை இரவு 7:45 மணியளவில் மட் ஸ்ட்ரீட் வெஸ்ட் மற்றும் பாரமவுண்ட் டிரைவ் (Mud Street West and Paramount Drive) பகுதியில் இந்தத் துப்பாக்கிச் சூட்டுச் சம்பவம் இடம்பெற்றது.
சம்பவ இடத்துக்கு விரைந்த அவசர மீட்புக் குழுவினர், அங்கு துப்பாக்கிச் சூட்டுக் காயங்களுடன் காணப்பட்ட 3 பேரை மீட்டனர்.
இவர்களில் இருவர் பலத்த காயங்களுடன் மருத்தவமனைக்குக் கொண்டு செல்லப்பட்டு அனுமதிக்கப்பட்டனர். ஒருவர் சிறிய காயத்துடன் மீட்கப்பட்டார்.
இந்தத் துப்பாக்கிச் சூட்டுச் சம்பத்தின் பின்னணி குறித்த தகவல்கள் உடனடியாக வெளியிடப்படவில்லை. இது குறித்த விசாரணைகளை ஹாமில்டன் பொலிஸார் மேற்கொண்டு வருகின்றனர்.
