மெய்நிகர் ஆரம்ப பாடசாலை வகுப்புகளுக்கு ஆசிரியர்களை பணியமர்த்துவது எதிர்பார்த்ததை விட அதிக நேரம் எடுக்கும் என ரொறன்ரோ மாவட்ட பாடசாலை சபை தெரிவித்துள்ளது.
பெற்றோருக்கு எழுதிய கடிதத்தில், ஆசிரியர்களை பணியமர்த்துவதற்கான கால தாமதங்களுக்கு ரொறன்ரோ மாவட்ட பாடசாலை சபை மன்னிப்பு கோரியுள்ளது.
குறித்த கடிதத்தில், ‘நாட்கள் செல்லச் செல்ல குடும்பங்கள் பெருகிய முறையில் சோர்வடைந்து வருவதை நாங்கள் புரிந்துகொள்கிறோம். மெய்நிகர் கற்றலுக்கான தேவையை பூர்த்தி செய்யும் அளவுக்கு ஆசிரியர்களை நாங்கள் விரைவாக நியமிக்க முடியாது’ என குறிப்பிடப்பட்டுள்ளது.
மாகாணத்தில் உள்ள பிற பாடசாலை சபைகளும் இதே பிரச்சினைகளைக் எதிர் கொண்டுள்ளன.
அந்தக் கடிதத்தில் சில மாணவர்களுக்கு வெள்ளிக்கிழமை அதிகாலையில் ஆசிரியர்கள் இருப்பார்கள். மீதமுள்ள வகுப்புகள் அடுத்த வாரம் நடுப்பகுதி முதல் பிற்பகுதி வரை இயங்கும் என்று குறிப்பிடப்பட்டிருந்தது.
ரொறன்ரோ மாவட்ட பாடசாலை சபைக்கு கிடைத்த சமீபத்திய தகவல்களின்படி, வாரத்தின் தொடக்கத்தில் இருந்து சுமார் 400 ஆசிரியர்கள் பணியமர்த்தப்பட்டுள்ளனர், மேலும் 100க்கும் குறைவான ஆசிரியர்கள் இன்னும் பணியமர்த்தப்படவில்லை. அந்த பதவிகள் அடுத்த சில நாட்களில் நிரப்பப்படும்.
இணைய நேரலையில் கற்பிக்கத் தொடங்குவதற்கு முன்பு ஆசிரியர்களுக்கு இரண்டு நாட்கள் பயிற்சி அளிக்கப்படுகிறது.
எனவே அடுத்த வாரம் வரை தாமதம் ஏற்பட்டுள்ளது. தனிப்பட்ட வகுப்புகள் இணைய நேரலையில் வருவதால் மின்னஞ்சல் அனுப்பப்படாது என்பதால், பிரைட்ஸ்பேஸ் கற்றல் தளத்தை தொடர்ந்து சரிபார்க்க பெற்றோருக்கு அறிவுறுத்தப்பட்டது.
