ரொறன்ரோ நகரின் மிகவும் பிரபலமான தெருவிழாக்களில் ஒன்றான Taste of the Danforth, மூன்று ஆண்டுகளுக்குப் பிறகு இந்த வார இறுதியில் மீண்டும் நடைபெறுகிறது.
ஆகஸ்ட் 7 முதல் 9ஆம் திகதி வரை நடைபெறும் இந்த விழாவிற்கு சுமார் 15 லட்சம் பேர் வருகை தருவார்கள் என ஏற்பாட்டாளர்கள் எதிர்பார்க்கின்றனர்.
கிரேக்க உணவு வகைகள், இசை, நடனம், கலாசார நிகழ்ச்சிகள் மற்றும் குடும்பங்களுக்கான பல்வேறு பொழுதுபோக்கு அம்சங்கள் இந்த விழாவில் இடம்பெறவுள்ளன. பொதுமக்கள் விழாவில் இலவசமாக பங்கேற்கலாம்.
விழாவை முன்னிட்டு Danforth Avenue, Broadview Avenue முதல் Jones Avenue வரையிலான பகுதியில் வாகனப் போக்குவரத்துக்கு முழுமையாக மூடப்படுகிறது.
இந்த வீதி மூடல் வெள்ளிக்கிழமை காலை 10 மணிக்கு ஆரம்பித்து, திங்கட்கிழமை அதிகாலை 3 மணி வரை நீடிக்கும் என அறிவிக்கப்பட்டுள்ளது.
பெருமளவான மக்கள் விழாவிற்கு வருகை தருவார்கள் என எதிர்பார்க்கப்படுவதால், விழா நடைபெறும் பகுதிகளில் கூடுதல் Toronto Police அதிகாரிகள் பாதுகாப்புப் பணியில் ஈடுபடுத்தப்படவுள்ளனர்.
அத்துடன், விழாவை முன்னிட்டு சில TTC பேருந்து மற்றும் போக்குவரத்து சேவைகள் மாற்றுப் பாதைகளில் இயக்கப்படவுள்ளன. எனவே பொதுப் போக்குவரத்தைப் பயன்படுத்துவோர் தங்களது பயணத்தை முன்கூட்டியே திட்டமிடுமாறு அறிவுறுத்தப்பட்டுள்ளனர்.
விழா நடைபெறும் நேரங்கள்
வெள்ளிக்கிழமை: மாலை 6 மணி முதல் நள்ளிரவு வரை
சனிக்கிழமை: நண்பகல் முதல் நள்ளிரவு வரை
ஞாயிற்றுக்கிழமை: நண்பகல் முதல் இரவு 10 மணி வரை
Taste of the Danforth விழா, ரொறன்ரோவின் கிரேக்க சமூகத்தின் உணவு, இசை மற்றும் கலாசாரத்தை கொண்டாடும் மிகப்பெரிய வருடாந்த தெருவிழாக்களில் ஒன்றாக விளங்குகிறது.
Comments are closed, but trackbacks and pingbacks are open.