கனடாவின் முன்னாள் பிரதமர் ஜஸ்டின் ட்ரூடோ, இங்கிலாந்தில் உள்ள உலகப் புகழ்பெற்ற ஆக்ஸ்ஃபோர்டு பல்கலைக்கழகத்தில் புதிய முக்கியப் பொறுப்பு ஒன்றை ஏற்றுள்ளார்.
ஆக்ஸ்ஃபோர்டு பல்கலைக்கழகத்தின் பிளவாட்னிக் அரசுப் பள்ளியில் ‘சிறப்பு உறுப்பினராகவும்’, ‘உலகத் தலைவர்கள் வட்டத்தின்’ உறுப்பினராகவும் ஜஸ்டின் ட்ரூடோ இணைந்துள்ளதாக அப்பல்கலைக்கழகம் வெள்ளிக்கிழமை அதிகாரப்பூர்வமாக அறிவித்துள்ளது.
உலகளாவிய நல்ஆளுமையை மேம்படுத்துவதற்காக, உலகின் முன்னாள் அரசுத் தலைவர்களை இணைத்து உருவாக்கப்பட்டுள்ள ஓர் சர்வதேசக் குழுவே ‘உலகத் தலைவர்கள் வட்டம்’ ஆகும். இந்த அமைப்பில் நியூசிலாந்தின் முன்னாள் பிரதமர் ஜசிந்தா ஆர்டர்ன் மற்றும் பிரிட்டனின் முன்னாள் பிரதமர் ரிஷி சுனக் ஆகியோரும் உறுப்பினர்களாக உள்ளனர்.
இந்த அமைப்பின் மூலம், உலகத் தலைவர்கள் ஆக்ஸ்ஃபோர்டு மாணவர்களுக்கு வழிகாட்டுவதோடு, எதிர்கால கொள்கை முடிவுகள் மற்றும் அரசு நிர்வாகத்திற்கான புதிய வழிமுறைகளையும் ஆராய்வார்கள்.
2025-ஆம் ஆண்டு பதவியிலிருந்து விலகுவதற்கு முன் ஜஸ்டின் ட்ரூடோ 10 ஆண்டுகள் கனடாவின் பிரதமராகப் பணியாற்றினார் என்பது குறிப்பிடத்தக்கது. ஆக்ஸ்ஃபோர்டு பல்கலைக்கழகம் ஆங்கிலம் பேசும் உலகின் மிகப்பழமையான பல்கலைக்கழகமாகும்.
Comments are closed, but trackbacks and pingbacks are open.