Reading Time: < 1 minute
கனடா எதிர்காலத்தில் பிளாஸ்டிக் பாவனையில் இருந்து விடுபடும் என்று சுற்றுச்சூழல் மற்றும் காலநிலை மாற்ற அமைச்சர் ஜொனாதன் வில்கின்சன் தெரிவித்துள்ளார்.
பிளாஸ்டிக் மளிகைப் பைகள், உறிஞ்சு குழல், கலக்குக் குச்சிகள், பிளாஸ்டிக் வெட்டுக்கருவிகள், ஆறு பொதியிடல் வளையங்கள் மற்றும் மறுசுழற்சி செய்யக் கடினமான பிளாஸ்டிக்கால் தயாரிக்கப்பட்ட உணவு எடுத்துக்கொள்ளும் கொள்கலன்கள் நாடு முழுவதும் தடை செய்யப்படும்.
இந்த தடை 2021ஆம் ஆண்டிலேயே நடைமுறைக்கு வரக்கூடும். மேலும் 2030ஆம் ஆண்டுக்குள் கனடாவில் பூஜ்ஜிய பிளாஸ்டிக் கழிவுகளை வைத்திருக்கும் திட்டமும் உள்ளது.
கடைகளில் இருந்து நிறைய உணவு வருவதால், பிளாஸ்டிக்கை மறுசுழற்சி செய்ய மளிகை கடைக்காரர்களுடன் அரசாங்கம் செயற்படும் என்று வில்கின்சன் கூறினார்.
