தெற்கு அல்பேர்ட்டாவிற்கு கனேடிய சுற்றுச் சூழல் திணைக்களம், குளிர்கால புயல் எச்சரிக்கையை விடுத்துள்ளது.
இதனால், பான்ஃப், யோஹோ மற்றும் கூட்டெனே தேசிய பூங்காக்கள் வழியாக பயணம் செய்பவர்கள் அவதானமாக செல்லுமாறு அறிவுறுத்தப்படுகின்றனர்.
இதுகுறித்து கனேடிய சுற்றுச் சூழல் திணைக்களம் வெளியிட்டுள்ள சிறப்பு வானிலை அறிக்கையில், ‘லூயிஸ் ஏரியில் கடும் பனி மற்றும் தெற்கு அல்பேர்ட்டாவில் அதிக காற்று வீசும் என்பதால், மழையானது பான்ஃப்பில் பனியாக மாறும் என்று எதிர்பார்க்கப்படுகிறது.
பான்ஃப் மற்றும் ஏரி லூயிஸுக்கு பனிப்பொழிவு எச்சரிக்கைகள் வழங்கப்பட்டுள்ளன. ஜாஸ்பர் தேசிய பூங்காவின் பகுதிகள் இந்த வார இறுதியில் 80 சென்டிமீட்டர் பனிப்பொழிவைப் பெறக்கூடும்
வெப்பமான வானிலை கடும் மழையுடன் கலக்கும்போது, தேசிய பூங்காக்கள் பனிச்சரிவு அபாயத்தை எதிர்கொள்ள நேரிடும். ஆகையால், பனிச்சரிவு கட்டுப்பாட்டுக்காக நெடுஞ்சாலைகள் மூடப்படலாம்.
சுற்றுச்சூழல் கனடா பான்ஃபிற்கு ஐந்து முதல் 10 சென்டிமீட்டர் பனியையும், லூயிஸ் ஏரிக்கு 15 முதல் 20 சென்டிமீட்டர் வரையும், ஜாஸ்பர் பகுதிக்கு 70 சென்டிமீட்டர் பனியையும் கணித்துள்ளது. கூட்டெனே தேசிய பூங்கா வழியாக நெடுஞ்சாலை 1 மற்றும் நெடுஞ்சாலை 93 தெற்கு பாதிக்கப்படும்’ என தெரிவிக்கப்பட்டுள்ளது.
